سٹیزن پورٹل پر شکایات کا ازالہ، بلوچستان کی کارکردگی پر مایوسی کا اظہار –

اسلام آباد: وزیر اعظم آفس سے چیف سیکریٹری بلوچستان کو مراسلہ ارسال کیا گیا ہے جس میں عوامی شکایات کا ازالہ نہ کرنے پر مایوسی کا اظہار کیا گیا۔

تفصیلات کے مطابق وزیر اعظم آفس سے چیف سیکرٹری بلوچستان کو مراسلہ ارسال کر کے عوامی شکایات کا بر وقت ازالہ نہ کرنے پر مایوسی کا اظہار کیا گیا ہے۔

مراسلے میں کہا گیا کہ بلوچستان کے افسران و دیگر اہل کار شکایات کے ازالے میں کوتاہی برت رہے ہیں، صوبوں میں بلوچستان شکایات کے ازالے میں سب سے پیچھے ہے۔

مراسلے میں کہا گیا کہ شکایات کے ازالے کی مانیٹرنگ کے لیے وزیر اعظم مانیٹرنگ سیل قائم کیا گیا، جس میں تمام صوبوں کی کارکردگی کو جانچا جا رہا ہے، پورٹل پر شکایات کے ازالے پر وقتاً فوقتاً وزیر اعظم کو بھی آگاہ کیا جا رہا ہے۔

مراسلے میں مزید کہا گیا کہ بلوچستان حکومت نے 4791 شکایات میں سے 800 حل کی ہیں، بلوچستان حکومت کا شکایات حل کرنا محض 17 فی صد بنتا ہے، جب کہ سرکاری دفاتر کو 53 پورٹل اکاؤنٹس دیے گئے ہیں۔

یہ بھی پڑھیں:  سٹیزن پورٹل پرعوامی مسائل حل نہ کرنے والے متعدد افسران معطل، شوکاز نوٹس جاری

کہا گیا کہ بلوچستان کے سرکاری دفاتر میں 41 اکاؤنٹس کی کارکردگی صفر ہے، اہل کاروں کی آسانی کے لیے گائیڈ لائن بھی مہیا کی گئی ہیں، مسائل کو حل کرنا اور آسانیاں پیدا کرنا وزیر اعظم کا مشن ہے۔

یاد رہے کہ 20 اپریل کو وزیر اعظم کی ہدایت پر قائم سٹیزن پورٹل کے ذریعے عوامی شکایات کی شنوائی نہ کرنے والے اسلام آباد کے متعدد افسران کو معطل اور دیگر کو شوکاز نوٹس جاری کیے گئے تھے۔

Comments

comments




Source link

Leave a Reply

Your email address will not be published. Required fields are marked *