عالمی میڈیا نے بھارتی کرتوتوں کی قلعی کھول دی، مسعودخان کا اہم بیان

مانچسٹر: صدر آزاد کشمیر مسعود خان نے کہا ہے کہ کشمیریوں کو بھارت کی بدنام ترین جیلوں میں رکھا جارہا ہے۔

مانچسٹر میں ایک تقریب سے خطاب کرتے ہوئے مسعود خان کا کہنا تھا کہ عالمی میڈیا نے بھارتی کرتوتوں کی قلعی کھول دی، جنگ شروع نہیں ہوگی بلکہ شروع ہوچکی ہے۔

انہوں نے کہا کہ عالمی میڈیا نے بھارتی جارحیت کو بے نقاب کردیا ہے، مودی نے کیمیائی ہتھیار استعمال کرنے کی دھمکی دی ہے۔

برطانوی شہر مانچسٹر میں منعقدہ تقریب میں برطانوی ارکان پارلیمنٹ سمیت تمام مکتبہ فکر سے تعلق رکھنے والے افراد نے شرکت کی۔

اس موقع پر ایم پی اینڈریوگون کا کہنا تھا کہ کشمیر جنت نظیر ہے، دنیا کی سب سے خوبصورت وادی کو خون سے لت پت کردیا گیا۔

بھارت سے تجارتی تعلقات کو انسانی حقوق سے مشروط کیا جائے: صدر آزاد کشمیر

ان کا مزید کہنا تھا کہ کشمیریوں کے ساتھ کھڑے ہیں، ان کی آزادی کے حمایتی ہیں۔

قبل ازیں صدر آزاد کشمیر مسعود خان نے بیلجیئم کے دارالحکومت برسلز میں کشمیر کانفرنس سے خطاب کیا تھا، مسعود خان کا کہنا تھا کہ عالمی برادری بھارت پر دباؤ ڈالے، عالمی برادری بھارت پر تجارتی و اقتصادی پابندیاں عائد کرے۔

مسعود خان کا کہنا تھا کہ یورپین پارلیمنٹ میں 17 ستمبر کو کشمیر کی صورتحال پر بحث ہوگی، مسئلہ کشمیر پر یورپی پارلیمنٹ میں بحث کے فیصلے کا خیر مقدم کرتے ہیں۔

Comments

comments




Source link

Leave a Reply

Your email address will not be published. Required fields are marked *