میانمار ورلڈ ریڈ بال اسنوکر، محمد آصف فائنل میں پہنچ گئے

میانمار: پاکستان کے کیوئیسٹ محمد آصف میانمار میں ورلڈ ریڈ بال اسنوکر چیمپئن شپ کے فائنل میں پہنچ گئے۔

تفصیلات کے مطابق پاکستان کے محمد آصف ٹائٹل سے ایک فتح کی دوری پر ہیں، پاکستانی کیوئیسٹ نے میانمار میں ورلڈ ریڈ بال اسنوکر چیمپئن شپ کے فائنل میں رسائی حاصل کرلی۔

محمد آصف نے سیمی فائنل میں میزبان کھلاڑی کو سنسنی خیز مقابلے کے بعد پانچ چار فریمز سے شکست دی، فائنل میں محمد آصف کا مقابلہ بھارتی کھلاڑی سے ہوگا۔

واضح رہے کہ رواں ماہ 6 ستمبر کو بنگلہ دیش کے شہر ڈھاکا میں جاری پہلی سارک اسنوکر چیمپئن شپ پاکستان کے اسجد اقبال نے جیتی تھی۔

مزید پڑھیں: ڈھاکا، اسجد اقبال نے پہلی سارک اسنوکر چیمپئن شپ جیت لی

قومی کیوئسٹ اسجد اقبال نے فائنل میں محمد بلال کو سنسنی خیز مقابلے کے بعد زیر کیا، اسجد اقبال نے ہم وطن کیوئسٹ کو 7 کے مقابلے میں 6 فریمز سے شکست دی تھی۔

اسجد اقبال نے کامیابی کشمیریوں کے نام کرتے ہوئے کہا تھا کہ قوم کے لیے ایک اور ٹائٹل حاصل کرنے پر فخر ہے، انہوں نے محمد بلاول کو بھی مبارک باد دیتے ہوئے کہا کہ محمد بلاول نے فائنل میں بہت ہی عمدہ مقابلہ کیا۔

یاد رہے کہ اسجد اقبال اور محمد بلال نے سیمی فائنل میں بھارتی کھلاڑیوں کو شکست دے کر فائنل میں رسائی حاصل کی تھی۔

Comments

comments




Source link

Leave a Reply

Your email address will not be published. Required fields are marked *