نواز شریف کی صحت پر سیاست نہیں کریں گے، فردوس عاشق اعوان

اسلام آباد: معاون خصوصی برائے اطلاعات فردوس عاشق اعوان نے کہا ہے کہ سیاست اپنی جگہ لیکن نواز شریف کی صحت پر سیاست نہیں کریں گے۔

تفصیلات کے مطابق معاون خصوصی برائے اطلاعات فردوس عاشق اعوان نے میڈیا سے گفتگو کرتے ہوئے کہا کہ بیمار نواز شریف پر حکومت کوئی سیاست نہیں کرے گی، نواز شریف کو عدالت نے طبی بنیادوں پر ضمانت دی ہے۔

فردوس عاشق اعوان نے کہا کہ شہباز شریف نے آج وزارت داخلہ کو درخواست دی ہے، نیب سے بھی رائے مانگ لی ہے میڈیکل رپورٹ کا جائزہ لینا ہے، میڈیکل بورڈ سے بھی رائے طلب کی ہے۔

انہوں نے کہا کہ رائے آنے کے بعد نواز شریف کا نام ای سی ایل سے نکالنے کا فیصلہ کیا جائے گا، تمام قانونی تقاضے پورے کیے جائیں گے۔

مزید پڑھیں: نوازشریف کی اتوار کو بیرون ملک روانگی پکی ہوگئی

فردوس عاشق اعوان نے کہا کہ نواز شریف کو انسانی ہمدردی اور طبی بنیاد پر عدالت نے ضمانت دی ہے۔

معاون خصوصی برائے اطلاعات نے کہا کہ پاکستان کو فلاحی ریاست بنانا وزیراعظم عمران خان کا عزم ہے۔

واضح رہے کہ سابق وزیراعظم نواز شریف کی علاج کے لیے بیرون ملک روانگی پکی ہوگئی ہے، نواز شریف کے ہمراہ شہباز شریف بھی جائیں گے۔

ذرائع کا کہنا تھا کہ لندن میں اور پاکستان میں ڈاکٹرز سے نوازشریف کی طبیعت کے حوالے سے مشاورت کرلی گئی ہے جب کہ لندن میں حسین نواز اور اسحاق ڈار نے انتظامات مکمل کرلیے ہیں۔

Comments

comments




Source link

Leave a Reply

Your email address will not be published. Required fields are marked *