وفاقی وزیر فواد چوہدری کی ہدایت پر قمری کیلنڈر تیار کرلیا گیا

اسلام آباد: وفاقی وزیر سائنس اینڈ ٹیکنالوجی فواد چوہدری کی ہدایت پر قمری کیلنڈر تیار کرلیا گیا جسے ماہ رمضان میں ہی جاری کیا جائے گا۔

تفصیلات کے مطابق وزارت سائنس اینڈ ٹیکنالوجی نے سائنسی بنیاد پر قمری کیلنڈر تیار کرلیا ہے، پہلا روزہ اور عید کب ہوگی قمری کیلنڈر سے 5 سال پہلے ہی پتا چل جائے گا۔

وفاقی وزیر فواد چوہدری نے کہا کہ ماہ رمضان میں ہی قمری کیلنڈر جاری کریں گے، وفاقی وزیر نے چیئرمین اسلامی نظریاتی کونسل سے ٹیلی فونک رابطہ کیا اور کیلنڈر سے متعلق آگاہ کیا۔

ذرائع کے مطابق اسلامی نظریاتی کونسل سے منظوری کے بعد قمری کیلنڈر وفاقی کابینہ میں پیش کیا جائے گا۔

وزیر سائنس اینڈ ٹیکنالوجی فواد چوہدری نے کیلنڈر جاری کرنے سے پہلے علماء سے بھی مشاورت کا فیصلہ کیا ہے، مشاورت کے لیے مفتی منیب الرحمان اور مفتی پوپلزئی کو دعوت دی جائے گی۔

مزید پڑھیں: جودیکھنا چاہے وہ ایپ کے ذریعے چاند دیکھ سکےگا، فواد چوہدری

یاد رہے چند روز قبل فواد چوہدری نے چاند دیکھنے کے لئے ایپ تیار کرنے کا اعلان کرتے ہوئے کہا تھا پاکستان میں سائنس اور ٹیکنالوجی کو توجہ کی ضرورت ہے ، ٹیکنالوجی میں ہم آگے جاکر اور کام کرنے والے ہیں۔

فواد چوہدری کا کہنا تھا ملک کی ترقی کےلیےسائنس اورٹیکنالوجی کواستعمال کرناہوگا، معیشت اوپر نیچے جاتی ہے ہمیں نیچے ملی اسے اوپر لے کر جائیں گے، ملک کو ہم نے بہتر معیشت اور ترقی یافتہ ملک بناناہے۔

وفاقی وزیر کا کہنا تھا علمائےکرام کوقمری کلینڈر سے متعلق کمیٹی میں شرکت کی دعوت دی ہے، 15ویں روزے تک قمری کلینڈر بن جائےگا، ایپ تیارکریں گےجس سےچانددیکھابھی جاسکےگا، علماکوکمیٹی میں دعوت دی ہے۔

Comments

comments




Source link

Leave a Reply

Your email address will not be published. Required fields are marked *