کراچی، ایف آئی اے سائبر کرائم سیل کی کارروائی، جعلی پیر گرفتار، مقدمہ درج

کراچی: وفاقی تحقیقاتی ایجنسی (ایف آئی اے) سائبر کرائم سیل نے کراچی میں کارروائی کرتے ہوئے جعلی پیر کو گرفتار کرلیا۔

تفصیلات کے مطابق کراچی کے علاقے عزیز آباد میں ایف آئی اے سائبرکرائم سیل نے کارروائی کرتے ہوئے جعلی پیر کو گرفتار کرلیا، ملزم سے تین ہزار سے زائد خواتین کی غیراخلاقی تصاویر اور ویڈیوز برآمد کرکے مقدمہ درج کرلیا گیا۔

ایڈیشنل ڈائریکٹر ایف آئی اے سرکل فیض اللہ کوریجو کے مطابق گرفتار ملزم شاہ نواز آستانے پر نہ آنے والی خواتین کو ویڈیو کالنگ کے ذریعے دم کرنے کا فریب دیتا تھا اور خواتین کی غیراخلاقی ویڈیوز بنا کر بلیک میل کرتا تھا۔

فیض اللہ کوریجو نے کہا کہ ملزم کئی خواتین سے پیسے بھی بٹور چکا ہے، گرفتار ملزم شاہ نواز آستانے کا گدی نشین ہے، ملزم نے والٹ پاس ورڈ بنا رکھا تھا جسے ایف آئی اے نے توڑا ہے۔

نمائندہ اے آر وائی نیوز سلمان لودھی کے مطابق ایک متاثرہ خاتون کی شکایت پر کارروائی عمل میں لائی گئی، ملزم کے خلاف ایف آئی اے قانون کے تحت مقدمہ درج کرکے تفتیش کا آغاز کردیا گیا ہے۔

مزید پڑھیں: کراچی، ایف آئی اے سائبر کرائم سیل کی کارروائی، خاتون کو ہراساں کرنے والا ملزم گرفتار

واضح رہے کہ دو ماہ قبل ایف آئی اے سائبر کرائم سیل نے کراچی کے علاقے فیڈرل بی ایریا میں کارروائی کرتے ہوئے خاتون کو ہراساں کرنے والے ملزم شعیب کو گرفتار کیا تھا۔

ایف آئی اے حکام کا کہنا تھا کہ گرفتار ملزم شعیب سرکاری ادارے کا ملازم ہے، ملزم پڑوسی خاتون کو کئی عرصے سے ہراساں کررہا تھا، ملزم کے قبضے سے لیپ ٹاپ، موبائل فونز برآمد کیے گئے تھے۔

Comments

comments




Source link

Leave a Reply

Your email address will not be published. Required fields are marked *